Малта-рај во срцето на Средоземното Море

Состанок на групата на аеродромот во Скопје. Полетување од аеродромот во Скопје во 17:15, Пристигнување во Малта во19:05 со
попладневен лет. По пристигнувањето во Малта, трансфер до хотелот, пријавување во хотелот и авантурата може да започне!

Појадок во хотелот. Слободно време за индивидуални активности или можност за организација на индивидуален факултативен излет, панорамски разглед на трите града и Валета.
“Vittoriosa, Senglea, Cospicua” уште наречени како трите града ќе ве однесат во едно поинакво време, време на Малтешките витези. Лоцирани веднаш спроти главното пристаниште во Валета, немо сведочат за сите окупации низ годините. Виториоса е најстара и најзачувана од сите 3 града и е уште позната и како лулка на малтешката историја бидејќи била прв дом на малтешките витези од редот на Св. Јован уште од 1530 год. До тука можете да дојдете со јавен превоз директно од Валета или со бродче од пристаништето во Валета. Почетокот на ова историско патување го започнуваме со тврдината “St. Angelo” позициониран на полуостровот Виториоса. Оваа тврдина низ сиве овие години стои како гард на пристаништето во Валета, играјќи ја улогата на заштитник на островот. Куќата на Големиот Мастер на одредот на Св. Јован денеска може да се види само од надвор бидејќи е во фаза на реконструкција. Една од извонредните градби кои ни раскажуваат инпозантна приказна е Инквизиторската палата, која првично била користена како суд во 1530 год. Низ годините, таа станува и дом на дел од инквизиторите. Во неа можат да се видат добро сочуваните соби како и некои од келиите во кои се држеле, предавниците, вештерките и неверниците, а на ѕидовите сеуште сведочат цртежите и списите од затворениците. Катедралата “St. Lawrence” неверојатно издание со уникатни слики, статуи и Романски крст дизајнирана од архитектот Лоренцо Гафа во Романско-Барок стил. Во Виториоса можете да ги видите и деловите каде се снимал легендарните филмови “Troy” и “Gladiator” (Тврдината Рикосоли).
Места кои задолжително треба да ги посетите во Малта е Валета градот кој го нарекуваат музеј на отворено. Една прошетка низ овој град и речиси секоја фасада што ќе ја видите ќе ви каже нешто за неговата долга традиција и културна историја. Прошетката ја започнуваме од влезот на Валета и велелепните Тритон фонтан која се наоѓа пред самиот влез. Влезот на градот е означен со мост кој некогаш се дигал и спуштал по потреба да се одбрани градот. Една од портите на градот се користи и денеска како главен влез на градот. Следна станица е “St. John’s Co-Catedral”, катедрала изградена во 16 век, по наредба на витезите од редот на Св. Јован. Се искачуваме кон “Lower Barakka” и “Upper Barrakka” градини направени во 16 век, од кој се пружа неверојатен поглед на градот, пристаништето како и трите града. Разгледот продолжува кон “Casa Rocca Piccola”, приватна палата на Малтешката фамилија Нобле. Оваа палата е изградена во 16 век, а фамилијата Нобле низ годините успеала да го задржи тогашниот изглед во потполност. Тврдината Св. Елмо и Националниот воен музеј се исто така неизбежен дел од оваа прошетка. Разгледот го завршуваме со посета на “Grand’ Master’s Palace ”, на плоштадот Св. Ѓоргија, во срцето на Валета, оваа палата ве кани да ја истражите 450 години долга историја создадена од Малтешките витези како и Музејот “Mysterium Fidei” Музејот на “St Catherine” манастирот и тајните градини. Овој подземен комплекс кој се наоѓа под манастирот Св. Катерина, бил изграден со цел да биде сиропиталиште, а подоцна и како бегство од надворешниот свет на монахињите кои ќе одлучат својот живот да го посветат на Бога и во изолација од надворешниот свет. Во вечерните часови препорачуваме времето да го поминете во Валета и да уживате во традиционална вечера, пијалок, и уличните перформери кои ги има до доцните часови низ целиот град.

Појадок во хотелот. Слободно време за индивидуални активности или можност за организација на индивидуален факултативен излет селото на Попајкое се наоѓа во северозападниот дел на Малта, мала скриена атракција која пружа вистинска забава за децата, но и за возрасните. Проверете ја тековната програма на нивната веб страна. Исто така може и да ги посетите островите Гозо и Комино каде се наоѓа најубавата плажа во Малта – Blue Lagoon. Наша препорака овој ден да го започнете со островот Гозо, мал остров но неизоставен дел од Малтешката историја и убавина. До Гозо се стигнува за 20 тина минути со фери број кој оди од Малта доста често. Веднаш по пристигнувањето за Гозо, упатете се кон плажата со најтиркизно море Двеира, каде до бродче ќе ги посетите водените пештери и ќе ги видите неверојатните корали како и клифови во најразлични облици. Во овј ден можете да го видите и местото на некогашниот симбол Азурниот прозорец кој од силно невреме поради ерозија беше уништен во 2017 год. Во овој ден на Гозо можете и да го видите местото каде се снимени кадри од легенрадниот филм - “ Game of Thrones”. Викториа, главниот град на Гозо е уште еден сведок на импозантната историја на Гозо и Малта. Малите и тесни улички ќе ве донесат до неверојатни градби како што се катедралата Успение и базиликата “St George”. Прошетката продолжете ја кон врвот на цитаделата, тврдина полна со музеи, катедрала и продавнички.

Појадок во хотелот. Можност за посета на Мдина и Рабат–. Мдина античкиот главен град и град на тишината, прошетката започнете ја со посета на катедралата “St. Paul”, барокна катедрала, изградена врз остатоците на Норманска црква уништена од катастрофален земјотрес. Продолжете по тесните улички кои ја шепотат историјата и ќе стигнете до најубавата “инстаграмска” порта, обвиткана со розените бугенвилии за да ги направите најфилмските фотографии. Рабат – местото каде ќе ги видите катакомбата на Свети Павле, криптата на Св. Агата римската куќа која денес е музеј. Враќање во хотелот. Ноќевање

Појадок во хотелот. Одјавување од хотелот во утринските часови. Време за слободни активности. Трансфер до аеродромот во Малта. Полетување кон Скопје во 19:35, Пристигнување во Скопје во 21:20.

Крај на патувањето.