Hotel Zlatibor 4*

Комплекс инспириран од природата и потребата за вистински одмор и уживање.

Водени од идејата дека околината е нешто што треба да го чуваме и цениме, нашата желба е на гостите да им овозможиме вистински одмор, но и преку изборот на разновидни домашни производи да им дадеме можност да се поврзат со локалните богатства.

Модерно дизајнираните соби, уредени со најквалитетни материјали, се создадени за да понудат чувство на целосна хармонија и спокојство. Во меѓувреме, персоналот на нашите веќе добро познати ресторани ќе се погрижи да ја искусите традиционалната кујна на Златибор, претставена низ современа призма и со модерни начини на подготовка.

Сместувачки капацитет

Четири различни типови соби и апартмани се дизајнирани така што секој тип раскажува своја приказна и внесува доза на луксуз во амбиентот во кој се наоѓа. Погледот кон центарот на Златибор и чистиот планински воздух придонесуваат за целосен комфор, надополнет со најсовремени технологии во изградбата и дизајнот.

Вашиот стил и карактер се огледуваат во просторот што ве опкружува, токму затоа се понудени различни опции. Стандардните соби се дизајнирани така што во Rustik собите можете да ја почувствувате блискоста со природата и традицијата, додека во Elegant собите сè е подредено на вашиот мир и уживање во луксузот.

Во Superior собите просторот можете да го искористите токму онака како што посакувате. Со модерно опремени бањи со када, можете да создадете сопствено мало SPA доживување.

Бидејќи одморот треба да биде совршен, креирани се и Lux апартманите. Junior Suite, Premium Collection и Duplex апартманите нудат можност за безгрижен одмор, со целосно опремена кујна, одделни простории за деца и прекрасен поглед кон златиборското езеро и централниот плоштад.

На сите типови сместувачки единици им се заеднички удобноста, префинетиот дизајн и современите содржини. Неодоливата удобност е постигната со избор на висококвалитетен мебел, изработен од пријатни и природни материјали и текстури.

Гастрономија

Ве очекува богат избор на намирници од локалното поднебје, внимателно преточени во менијата на нашите ресторани. Тие се осмислени така што ги задоволуваат потребите на секој гостин и се усогласуваат со различни режими на исхрана.

Со задоволство ви го претставуваме ресторанот „Kalem by ZAK Mountain Concept“. Посветеноста на секое јадење ја комбинираме со врвни состојки од високите предели на Златибор, создавајќи уникатен планински концепт, сместен во срцето на планината, со погледи кои инспирираат и отвораат најинтересни разговори.

Magnesium Welness & Spa

Посебен скапоцен камен на комплексoт и место каде што секој сегмент е подреден на вашето целосно уживање. Релаксирачкиот амбиент, чии содржини се креирани за целосна ревитализација на духот и телото, е дизајниран како автентична бањска градина, во чии базени се наоѓа посебен вид вода.

Станува збор за вода богата со магнезиум, калиум, калциум и други минерали, кои позитивно влијаат врз организмот. Во комбинација со идеалната количина на железо, оваа вода нуди посебно велнес доживување и придонесува за релаксација и подобро чувство по напорите на современиот начин на живот и работа.

Подарете му на вашето тело третман каков што заслужува, обновете ја енергијата и воспоставете баланс. Разгалете се со врвна масажа, специјални третмани за лице и тело, уживајќи во прекрасните мириси на природата, и препуштете се на благодетите на нашиот Magnesium Sauna World.

Уникатен простор каде што времето застанува, а мирот и релаксацијата стануваат апсолутен приоритет. Уживајте во содржините на нашиот Magnesium Wellness & Spa центар или израдувајте ја саканата личност со подарок ваучер.

SPA центарот е отворен за посетители секој ден од 10:00 до 21:00 часот.