Hotel Alegria El Mar 4* Superior

Вашето време, вашиот ритам, вашето лето во Шпанија!

Сместен во популарното летувалиште Santa Susanna, на само една минута пешачење од плажата, ALEGRIA El Mar 4* Superior е одличен избор за летен одмор на шпанското крајбрежје. Со модерно уреден амбиент, удобни соби и разновидни содржини за релаксација и забава, хотелот е погоден за семејства, парови и пријатели кои сакаат да го искористат летото во вистински медитерански стил.

Хотелот располага со комфорни, климатизирани соби, вклучувајќи стандардни соби, соби со поглед на море и апартмани. На гостите им се достапни надворешен базен со простор за одмор, ресторан со шведска маса со разновидна понуда на локални и интернационални специјалитети, како и кафе-бар каде што можат да уживаат во освежителни пијалаци и коктели. За оние кои сакаат дополнително уживање, хотелот нуди и Spa & Wellness центар со внатрешен загреан базен со хидромасажа, сауна и турска бања, како и фитнес-сала.

За најмладите гости се организираат активности и забавни програми, додека возрасните можат да се опуштат покрај базенот или да уживаат во вечерите со музика во живо и пријатната атмосфера на хотелскиот бар. Во зависност од избраниот пакет, достапна е и All Inclusive услуга, која вклучува оброци, ужини и пијалаци според условите на хотелот.

Благодарение на близината до песочната плажа и локацијата во Santa Susanna, хотелот е одлична почетна точка за долги прошетки покрај морето, истражување на локалните продавници и ресторани и откривање на шармот на шпанското крајбрежје.

ALEGRIA El Mar 4* Superior е одличен избор за безгрижен летен одмор, со комбинација од удобност, гастрономски доживувања и содржини за сите генерации, на само неколку чекори од морето.

Датум:

17.06.-09.09.2027

Цени:

од 729€ по лице
*Искористи Ealry bird попуст до 31.03.2027!
*Сите цени може да ги видите во делот “Цени Лето 2027”!

Напомена: За потврда на “рана” резервација (early bird) потребна е уплата од 25% од вкупниот износ на аранжманот. Уплатениот износ е неповратен.

Во цената е вклучено:
  • Повратен авионски билет Скопје-Барселона-Скопје
  • Рачен багаж со димензии 40x30x20cm
  • Аеродромски такси
  • Огранизран трансфер аеродром – хотел – аеродром
  • 7 ноќи во Hotel El Mar 4* Superior на база полупансион
  • Сместување во двокреветни и трокреветни соби (Четврокреветни соби само на барање)
  • Политика за деца – Попуст за деца од 2 до 11,99 години.
Во цената не е вклучено:
  • Туристичка такса (2 евра од ден по лице, се плаќа на лице место- подложно на промени)
  • Патничко осигурување ( можност да се извади во агенција)
  • Доплата за багаж според моменталната цена на авио компанијата

*Побарајте понуда за избор на различни термини, тип на соби и пансионски услуги како и за информации и резервации испратете барање на следната меил адреса info@holiyaytravel.com или на телефон +38971330089.

Барселона Панорамика: 65€, деца до 12 години: 35 €

Целодневен излет – Обиколка на Барселона, прекрасниот град на Гауди

Тргнување во утринските часови со автобус од Коста Брава.
По пристигнувањето во Барселона, се искачуваме на ридот Монжуик, кој се наоѓа во самиот центар на градот, на 213 метри надморска височина, од каде се пружа восхитувачки поглед на градот и пристаништето. Според легендата, самиот Дон Кихот ги набљудувал битките од ова ритче.

Поминуваме покрај Олимпискиот стадион, каде моментално игра фудбалскиот клуб Барселона, и правиме пауза во познатото шпанско село – Пуебло Еспањол. Таму, 117 градби од сите 17 шпански покраини ќе ви ја доловат архитектурата на оваа прекрасна земја – сè на едно место.

Потоа ги разгледуваме магичните фонтани, шпанскиот плоштад – Плаза Еспања, централниот Плаза Каталуња, како и најскапата улица во градот – Пасео де Грасија, каде се наоѓаат двете познати куќи на Гауди: Каса Батљо и Каса Ла Педрера.
И, секако, неизоставната базилика Саграда Фамилија – најпознатото дело на Антони Гауди, кое се гради веќе над 140 години. Ништо слично не постои во светот.

Следи возење со автобус покрај Триумфалната капија и Паркот Сиутадела, по што ќе имате слободно време за индивидуални активности. Можете да го искористите за посета на Аквариумот, прошетка по Барселонета или по најпосетената улица Ла Рамбла, каде се наоѓа една од најубавите пазари во светот – Ла Бокерија. Во близина се и уличките на Готската четврт, кои кријат многу тајни и историски знаменитости од стариот град Барцино.

Враќање на Коста Брава во вечерните часови.

📌 Цена на излетот: 65 €
👶 Деца до 12 години: 35 €

Аквариум Барселона: 35€, деца од 2-12 плаќаат 50%

Најголемиот аквариум со медитеранска тематика во светот. Започнете со водено патување низ тропските океани, коралните гребени и морските заедници на Медитеранот. Со 35 аквариуми и 11.000 животни од 450 видови, овој акавриум е еден од најголемите во Европа и ви нуди незаборавно запознавање со морскиот свет.

 

Музеј Дали + Герона: 75€, деца до 12 години: 40 €

Тргнување во утринските часови од Коста Брава.

Патувањето нè води кон бајковитата Ѓирона, град кој се наоѓа на североистокот на Шпанија, близу границата со Франција. Ќе прошетаме по улиците на стариот град и по некогашната еврејска четврт, ќе ја посетиме и импресивната катедрала, со право наречена „Бисерот на круната на Ѓирона“. По базиликата Свети Петар во Ватикан, оваа катедрала има најширока предна фасада во светот – широка дури 55 метри.

Ќе го видите и познатиот мост во јарко црвена боја, претходник на Ајфеловата кула, кој заедно со уште десетина мостови го краси градот и ја премостува реката Оњар, која го дели градот на два дела. По разгледувањето, следува слободно време за индивидуални активности.

Потоа го продолжуваме патувањето кон Фигерас, родниот град на славниот уметник Салвадор Дали, каде тој го создаде својот фантастичен и неповторлив музеј, адаптиран од старото градско театарче. Овој музеј денес е еден од најпосетуваните во цела Шпанија.
Посетата на овој музеј е искуство кое треба да се доживее барем еднаш во животот, со необичната и уникатна поставка од делата на овој генијален уметник.

По посетата следува слободно време во Фигерас и потоа враќање на Коста Брава во вечерните часови.

📌 Цена на излетот: 75 €
👶 Деца до 12 години: 40 €

Дата Ноќи Возрасно лице 3- то Возрасно лице

Цена на дете

(2-11,99)

Еднокреветна Соба
17.06 – 24.06 7 Early bird- 729€
Редовна цена – 789€
Early bird- 649€
Редовна цена – 669€
Early bird- 529€
Редовна цена – 549€
40 евра/ноќ
24.06 – 01.07 7 Early bird- 739€
Редовна цена – 789€
Early bird- 649€
Редовна цена – 709€
Early bird- 539€
Редовна цена – 579€
40 евра/ноќ
01.07 – 08.07 7 Early bird- 749€
Редовна цена – 809€
Early bird- 679€
Редовна цена – 729€
Early bird- 569€
Редовна цена – 599€
40 евра/ноќ
08.07 – 15.07 7 Early bird- 779€
Редовна цена – 839€
Early bird- 709€
Редовна цена – 759€
Early bird- 589€
Редовна цена – 629€
40 евра/ноќ
15.07 – 22.07 7 Early bird- 779€
Редовна цена – 859€
Early bird- 729€
Редовна цена – 779€
Early bird- 609€
Редовна цена – 649€
40 евра/ноќ
22.07 – 29.07 7 Early bird- 829€
Редовна цена – 879€
Early bird- 749€
Редовна цена – 799€
Early bird- 639€
Редовна цена – 669€
40 евра/ноќ
29.07 – 05.08 7 Early bird- 849€
Редовна цена – 899€
Early bird- 769€
Редовна цена – 819€
Early bird- 659€
Редовна цена – 689€
40 евра/ноќ
05.08 – 12.08 7 Early bird- 829€
Редовна цена – 879€
Early bird- 749€
Редовна цена – 799€
Early bird- 639€
Редовна цена – 669€
40 евра/ноќ
12.08 – 19.08 7 Early bird- 799€
Редовна цена – 859€
Early bird- 729€
Редовна цена – 779€
Early bird- 609€
Редовна цена – 649€
40 евра/ноќ
19.08 – 26.08 7 Early bird- 769€
Редовна цена – 829€
Early bird- 699€
Редовна цена – 749€
Early bird- 589€
Редовна цена – 619€
40 евра/ноќ
26.08 – 02.09 7 Early bird- 729€
Редовна цена – 799€
Early bird- 659€
Редовна цена – 719€
Early bird- 549€
Редовна цена – 589€
40 евра/ноќ
02.09 – 09.09 7 Early bird- 729€
Редовна цена – 789€
Early bird- 649€
Редовна цена – 669€
Early bird- 529€
Редовна цена – 549€
40 евра/ноќ
  • Во хотелот има на располагање дво и трокреветни соби, четворокреветните соби се на барање.
  • Деца 0-2 години се наплаќа 80 евра по лице.
  • За потврда на “рана” резервација (early bird) потребна е уплата од 25% од вкупниот износ на аранжманот. Уплатениот износ е неповратен.
  • Агенцијата го задржува правото за промена на распоредот на летање доколку авио компанијата ги промени летовите за што патниците ќе бидат навремено известени.
  • Пасошот треба да е со важност од минимум 90 дена од моментот на влез во земја од Шенген зоната.
  • Пожелно е секој патник да има валидно патничко осигурување. (Патничко осигурување може да извадите во нашата агенција).
  • При резервацијата треба да се плати 30% од вкупниот износ на аранжманот.
  • Плаќањата извршени во денарска противвредност ќе се пресметуваат по курс 1 EUR = 62 МКД.
  • Сите останати услови на патување важат според правилата на Холијеј Травел