Gran Hotel Bali & Spa 4*

Gran Hotel Bali 4* – разбудете се покрај Медитеранот и доживејте го Benidorm од една поинаква перспектива.

Бенидорм е еден од најпознатите туристички градови во Шпанија, сместен на живописната Коста Бланка, на околу 45 километри од Валенсија – идеална локација која спојува море, урбана енергија и лесна достапност.

Со својата пријатна медитеранска клима, долги песочни плажи и динамичен дух, Бенидорм со право го носи прекарот „Менхетенот на Медитеранот“. Градот нуди совршена рамнотежа помеѓу релаксација и забава, привлекувајќи патници од целиот свет.

Познати факти за Бенидорм:

• Градот е познат како една од најбезбедните туристички дестинации во Шпанија, со високо ниво на инфраструктура и туристички услуги.
• Плажите во Бениднорм се меѓу најдобрите во Европа – со златен песок, чисто море и комплетна инфраструктура редовно добиваат Blue Flag сертификати за чистота, безбедност и квалитет на услугите.
• Бенидорм е познат по својата енергија, ресторани, барови и клубови кои нудат забава во текот на целата година.
• Градот е дом на популарни тематски паркови како Terra Mítica, Aqualandia и Mundomar, што го прави одличен избор и за семејства и за млади.
• Старата градска зона нуди автентична шпанска атмосфера, додека природниот парк Сиера Хелада е идеален за прошетки и панорамски погледи кон морето.
• Градот е познат по тоа што има над 300 сончеви денови годишно, и е една од најпосетуваните туристички дестинации во Европа, со милиони посетители годишно
• Особено место кое не смее да се пропушти е Балконот на Медитеранот (Balcón del Mediterráneo) – иконична панорамска точка што ги поврзува плажите Леванте и Пониенте. Од тука се отвора спектакуларен поглед кон морето и градот, а местото претставува симбол на Бенидорм и омилена локација за фотографии и романтични прошетки.
• Дополнителна предност на Бенидорм е неговата близина до Валенсија, што овозможува лесна и одлична можност за еднодневна посета на овој модерен и културно богат град, познат по Градот на уметностите и науките, историскиот центар и медитеранската гастрономија.

Gran Hotel Bali & Spa 4* – икона на Бенидорм

Симбол на модерниот Benidorm и еден од најпрепознатливите хотели на шпанското крајбрежје, Gran Hotel Bali 4* нуди уникатно искуство каде што удобноста, забавата и импресивните панорамски погледи се спојуваат во едно. Со својата височина од 52 ката, хотелот претставува вистински белег на градот и нуди поинаква перспектива на медитеранскиот брег.

Сместен во мирниот дел La Cala, хотелот се наоѓа на околу 350 метри од песочната плажа Poniente, а во непосредна близина има ресторани, барови и различни можности за забава. Собите се пространи и климатизирани, а повисоките катови овозможуваат прекрасен поглед кон морето, заливот и препознатливата панорама на Benidorm.

За целосно уживање во летните денови, на гостите им се достапни неколку надворешни базени, вклучувајќи базен во форма на лагуна, полусемиолимписки базен и базен за деца, како и надворешно џакузи. Хотелот располага со ресторани со шведска маса, каде што се служат разновидни јадења, како и повеќе барови за кафе, освежителни пијалаци и коктели. За дополнителна релаксација, гостите можат да го посетат Wellness центарот со спа-содржини, масажи и фитнес-сала.

Едно од највпечатливите доживувања е панорамската тераса на 43. кат, од каде што се отвора поглед од 360 степени кон градот, планините и Средоземното Море. За љубителите на вечерната атмосфера, Sky Bar на 52. кат нуди можност за коктел со спектакуларен поглед кон заливот.

Gran Hotel Bali е одличен избор за семејства, парови и патници кои сакаат повеќе од класичен хотелски одмор. Комбинацијата од базени, гастрономија, спа-содржини и близина до плажата го прави привлечна база за истражување на Benidorm, неговите плажи, шеталишта и познати забавни паркови.

*Побарајте понуда за избор на различни термини, тип на соби и пансионски услуги како и за информации и резервации испратете барање на следната меил адреса info@holiyaytravel.com или на телефон +38971330089.